七月時舉行了一個大型baby shower,請了多位好友出席,當中包括千億新抱李徐子淇、許晉亨太太許李嘉欣、周國豐太太周黃泳霖,而邱詠賢的姊妹邱詠筠及邱詠麒都在場齊齊分享喜悅。

邱家又有喜事!已故亞視創辦人邱德根大仔邱達昌頻頻抱孫做阿公,上月佢大女邱詠筠(Winnie)就為細佢3歲嘅、35歲首位華裔一級方程式(F1)試車手董荷斌生咗B女,呢個月就輪到佢個二女邱詠賢(Wendy),日前就順利誕下B女,邱達昌唔夠一個月,再榮升做外公。

Wendy早前已公佈佢再陀B,仲喺社交網貼佢大肚寫真相,並預告呢胎生女,同改定英文名Chloe,Chloe日前出世了,Wendy就喺國慶日喺Ig story,擺咗Chloe嘅視頻。Chloe五官輪廓已分明,眼仔長長,鼻仔高高,仲多多表情,玩口水伸脷仔,相當得意。

今次,係Wendy同佢老公許清池、即恒安集團太子爺做第4任父母,之前佢哋已有一個大仔同一對孖女,組成6人家庭,認真熱鬧。

(蘋果日報)