陳小春同應采兒(阿丁),呢對螢幕夫妻,經常喺網上放閃,不過就一直好保護4歲囝囝Jasper(陳胤捷)。自從去年陳小春帶埋個仔喺內地綜藝節目《爸爸去哪兒5》亮相,Jasper嘅容貌從此被解禁,而Jasper喺節目中,同老竇小春講唔想爸爸變老,觸動大男人嘅小春都流淚,成為新一代小暖男。

小暖男Jasper咁乖巧,又難得父母呢排得閒,呢兩日就帶住Jasper入迪士尼度假。
阿丁今日喺facebook上載咗一家三口嘅相,仲寫住︰「帶着Jasper回到我們結婚的地方 November 23th, 2010。 」

相中最開心都係Jasper,同父母影合照手仔仲揸住巴斯光年公仔,阿爸小春就笑騎騎完全被溶化。

當Jasper遇上米奇米妮被對方錫錫合照時,Jasper初時冧冧豬咁樣,後來怕醜到用手遮面,怕醜呢樣嘢就唔似遺傳佢父母啦!

(蘋果日報)