藝人洪永城(Tony)出席無綫劇集《大帥哥》宣傳,透露正為另一套劇集《黃金有罪》埋尾,雖然通告頻密,但也不及拍檔蕭正楠辛苦,更抵地說:「見佢日夜都冇厘精神,唔知係畀邊個女人Chur,監製定係屋企嗰個。(咁黃翠如呢排容光煥發?)又好似係喎!」

談到劇集進入尾聲,Tony表示感謝觀眾對其角色的憎恨,預告日內劇情更乞人憎,問到可會與演員們一起睇結局?他說:「應該會,到時張衞健都會出席,我驚我到時會喊,因為唔捨得,都諗過唔去就匿埋屋企喊。」

對於被取笑於除夕夜帶同新女友梁諾妍融入朋友堆中開派對,期間除親密攬攬,還情不自禁咀嘴。

Tony聞言說:「有咀咩,邊個主動先,不過都唔介懷啦!係開心幸福事。(咁你有冇畀人Chur?)佢都係Chur我跑步,叫我陪佢馬拉松,但我唔做選手,都係旁邊幫佢影相啫!想叫佢試吓去平壤跑,會唔會返唔到嚟?其實都安全嘅。(會唔會陪女友跑?)可以試吓培養呢個興趣,我以前都跑過十公里㗎!」

 

 

 

 

 

(on.cc)