藝人胡杏兒早前出席活動時身形發福、孕味濃,估唔到佢真係有咗!

今日杏兒同老公李乘德(Phil)都上載一張杏兒同囝囝李奕霆(Brendan)玩嘅相,見Brendan指住媽媽個肚,而Phil就留言表示囝囝就快有新嘅玩伴,正式公布杏兒佗二胎。

三年抱兩,恭喜晒!

杏兒仲上載咗BB超聲波相,Brendan要做哥哥啦!
對於成功追多個B,杏兒表示:「真係好開心!生到豬BB ,真係湊夠開農場。上次佗住Brendan又係開緊工,今次佗住BB又係拍緊劇,可能BB旺媽咪工作,想陪住我開工,但今次拍到2月尾就完成拍攝,所以還好,只係今次孕吐感覺比較強烈,成日冇乜胃口。我拍完呢部劇之後就應該會留喺香港,既可多啲時間陪伴Brendon,又可繼續接一啲輕鬆而又應付得來的嘅作。最後,亦係最緊要、最想就係BB健康同平安!多謝大家祝福。」

(IG/on.cc)