喺2015年為馬來西亞富商老公誕下囝囝後,一直視囝囝如珠如寶,去年出席活動時更直言希望追多個。呢日,佢喺社交網上傳一張着住一件頭泳衣,仔仔錫錫佢個肚嘅相,唔少網友睇到都估佢係「Baby Bump」仲留言恭喜佢添!

藝人岑潔儀(Zoey)喺2015年為馬來西亞富商老公Dixon誕下囝囝Damien後,一直視囝囝如珠如寶,去年出席活動時更直言希望追多個。

呢日,Zoey喺社交網上傳一張着住一件頭泳衣,仔仔錫錫佢個肚嘅相,留言嗌大家估佢係有咗定係肥咗有肚腩:「冇獎問答比賽 你們估一下這是我肚腩!?還是Baby Bump!?」

唔少網友睇到都估佢係「Baby Bump」仲留言恭喜佢添,不過亦有網友指佢呢個係肚腩嚟,叫佢「肥成咁減下啦!」。到底係咪有喜就真係要等Zoey開估喇!唔知幾時公布答案呢?

(on.cc東網)