林芊妤(Coffee)去年誕下兒子後,極速減磅瘦身。佢表示,就連身邊朋友也感到佩服,讚佢比產前的她身材更有曲線。

林芊妤日前接受《香港01》嘅訪問時就提到一些產後瘦身嘅心得。表示「運動好緊要,但係最主要係我餵人奶,因為餵人奶消耗個卡路里好多,所以瘦得好快。」被問到是否需要額外進食補充,佢就指「我係一日三餐,再加甜品,跟住再加小食。其實我一日食好多嘢,但係本身肌肉量好夠,先可以消耗晒。啲人話我身材好過以前,冇以前咁肌肉型,咁鋼條。」

被問到運動方面有需要注意的事嗎?她回答:「唔係話同自己或者人哋比賽,最緊要跟返自己節奏,其實一日有幾分鐘時間,都可以做運動,可以慢慢增加自己能力。」她又說,運動之餘亦需配合均衡飲食。「食啲非加工食物,菜吖肉吖。真正令你肥嘅,係Pizza、薯條薯片嗰啲。其實呢個唔使我講,只係大家做唔到。」

(HK01)