藝人張致恒(Steven)昨宣布與粉絲雯雯結婚生仔,點知舊愛梁皓恩(April)就話兩人未分手,言語間仲話想尋死。結果引出「小四」Moon留言指仲有小五、小六,而早在2016年與Steven分手嘅莊端兒,就話April都係小三!

藝人邵子風凌晨兩點在社交網站轉發April以「被偷走的五年」暗示自己被Steven背叛的新聞,仲數口好精咁指出April的「五年」即自揭二人2014年已撻着,而當年Steven已公開與莊端兒拍拖,Steven與莊端兒至2016年因有偷食富貴台妹Doris而分手,即April當時有可能係以小三身份介入Steven與莊端兒的戀情,又或者……莊端兒先係小三…

其後,莊端兒就現身留言話2016年對佢嚟講好似世界末日一樣,更坦言「被偷走的那五年我希望不是真的」:「如果是事實的話,老實答:我好難受!那時候還有台妹!令我頗困擾。還記得2016年也是我的世界末日⋯⋯ 愛情工作一下子都離我而去,也不敢打騷家人朋友。心如刀割連膽都割了…… 那個時候我好想自己不如死在手術床上,也曾經不孝到問媽媽:為何你滿身病痛折磨不選擇死,我那時候表示我好想死啊。媽媽淡淡的告訴我,好不容易能夠轉生為人,只要一息尚存都要活下去。自殺這行為實在太對不起家人及愛你的朋友,經歷過後學懂放下,愛情放過他人等於放過自己,世界沒有過不去的事情,只有自己跟自己過不去。時間從沒有為任何人任何事停留過一分一秒,請大家愛自己多一點,請不要為任何事情選擇輕生🙏🏻❤️#被偷走的那五年我希望不是真的」

而最新一個Maggie嘅女仔留言,就令網友懷疑喺「小五」,佢留言話好彩自己斬纜得快,更鼓勵對方唔好睇唔開:「一個月前我都同你一樣,期後我諗通左,感恩可以俾我一早睇清楚呢個男人係負心漢,好過同佢組織家庭後先知,佢對你一個係咁,我相信佢亦都對其他人一樣,化卑(悲)憤為力量,專注工作,時間可以沖淡一切,我可以你都可以,加油」。不過佢就冇指名道姓,冇指出「呢個男人」係咪Steven。