衛蘭(Janice)和衛詩(Jill)這對好姊妹,早前遠赴多倫多等地,出席生命分享會,透過自身經歷,鼓勵失意的靈魂。二人將於下月再度合體,參與「一首歌一個希望」慈善音樂及生命分享會2019。

 

兩姊妹坦言從小因受到親朋好友的比較,令二人從小心存競爭,Janice坦言:「我哋細個感情唔好㗎,始終我哋係孖生姊妹,由細到大都被別人比較,自自然然令我哋產生咗一份競爭嘅心態,所以我哋成日吵架,無辦法用平靜嘅心態同對方溝通。」

 

不過多年前,衛詩在日本因涉嫌藏毒案,被唱片公司終止合約。曾遇低谷期的她不諱言:「以前嘅我曾經好迷失,嗰段日子可以話係人生最低谷嘅時期,咁大個女從未經歷過咁抑鬱、咁孤獨嘅時間,我唔敢出街,只係想收埋自己,試過想放棄一切。」

Jill形容姐姐Janice正是她的天使,而鄭秀文的鼓勵也是雨後春筍,她說︰「當時Sammi帶咗好多書嚟探我,其中一本就係我嘅第一本聖經,佢同我講:『就算所有人都覺得你唔好,唔緊要,最緊要係神點睇你、你嘅身份係神嘅女兒,唔好介意其他人嘅話語。』我感受到神嘅力量,係實在地拯救咗我。」

看到她們感情愈來愈好,那就安心了。

說到底,作為好姊妹、家人又怎會忍心離自己而去呢。

(綜合報導/蘋果娛樂)