內地藝人李晨與范冰冰分手後,兩人一直都保持低調。
但兩人最近嘅生活都齊齊黑仔,好似范冰冰尋日就畀國際知名嘅大品牌「除名」,明明有Job但因為網友反對呼聲太高,品牌突然刪除晒所有范冰冰嘅相,合作隨時凍過水。咁冰冰荷包大傷已經夠慘,而李晨直頭真係受傷,仲要以輪椅代步!
有網友指喺克羅地亞偶遇李晨、鍾漢良及郭麒麟錄製節目,當中着上粉色上衣配黑色褲嘅李晨因肌肉拉傷,搞到要坐輪椅出入。
鍾漢良同郭麒麟就喺身邊照顧出行不便嘅李晨,見佢落樓梯嘅時候十分小心翼翼,鍾漢良同郭麒麟就幫忙拎輪椅。
另外李晨又喺微博上載新相,指自己日前獲邀出席蒙特卡洛一個環保晚宴,見佢西裝骨骨行得走得,又去參觀摩納哥海洋館,睇嚟對腳應該好番好多喇…