劉德華將於12月舉行「My Love Andy Lau 劉德華 World Tour」,今日喺洲際酒店舉行宣傳,華仔以棟篤笑形式又唱又跳,舉行咗一個35分鐘嘅小型演唱會,期間展示佢以前拍劇同演唱會畫面,重溫經典爆呔場面及講述墮馬後一啲小趣事,連女兒問題都回答無所不談,與現場百多位粉絲及贊助想共度開心時刻。

講到難忘畫面時,螢幕展示華仔曾經在演唱會中造型,包括小鳳仙、空中飛人、跳拉丁等,重點係難忘嘅爆褲相片,華仔形容:「係不可修補的裂縫。」自始後造褲會整闊啲,並心情大靚對傳媒表示今日問乜都得,你敢問,我咁答,即時問佢今日唔使湊女放學咩?華仔就話:「就係知你哋會問呢啲,所以搞哂你哋嚟呢度,唔好搞我個女,今早我好似batman咁,冇人發現我入過學校。」

再問到佢屋企人會唔會嚟睇演唱會?華仔大方話:「點會唔嚟,用下腦啦。」之後華仔就跳咗一part獨自去偷歡舞步,問到佢現時腰部如何,佢話係得嘅,OK嘅。

 

 

 

(apple daily)